A Aprolep, Asociación de Produtores de Leite de Portugal, convoca a todos os produtores de leite a manifestarse o vindeiro mércores en Trofa co obxectivo de alertar á distribución e á sociedade das dificultades dos gandeiros, denunciar os prezos insostibles e destrutores do sector lácteo e reclamar novas condicións que favorezan o incremento dos prezos para cubrir os gastos de produción.
O punto de encontro será ás 10 h xunto ao Lidl de Ribeirão (Trofa), onde se concentrarán os tractores. Ás 11 h dirixiranse cara á N14 pasando por Lidl, Mercadona, Minipreço, Intermarché, Continente e Pingo Doce.
Ás 11:30 h concentraranse todos fronte ao Pingo Doce de Trofa e uniranse a todos os manifestantes que asistisen a pé.
A concentración permanecerá nesta localización até as 13:30 h.
