O ministro de Agricultura, Pesca e Alimentación, Luis Planas, anunciou o inicio a partir de hoxe do período de consulta pública da norma de ordenación das granxas de gando de vacún, a primeira específica para este sector que se promulga en España. O decreto ten por obxecto dar resposta aos novos retos en materia ambiental, de bioseguridade e de sanidade e benestar animal que afrontan as explotacións gandeiras, resaltou Planas.
O ministro realizou este anuncio na Feira de Produción Animal (FIGAN) de Zaragoza, certame que na súa décimo quinta edición está dedicado á dixitalización e a achega tecnolóxica, dous alicerces que van ser esenciais para a sustentabilidade e o futuro das explotacións gandeiras. No certame participan 827 firmas de 27 países.
O decreto establece normas básicas para a ordenación zootécnica e sanitaria das granxas, incluídas as condicións mínimas de infraestrutura, equipamento e manexo, localización, bioseguridade, benestar animal, condicións hixiénico-sanitarias, requisitos ambientais e as obrigacións dos titulares.
