A Federación Frisona Galega (Fefriga), en colaboración co Club de Xóvenes Gandeiros, organiza a cuarta e quinta edición da Escola de Xóvenes Preparadores. Estas edicións levaranse a cabo na finca Mouriscade de Lalín (Pontevedra) do 26 ao 30 de xullo e do 19 ao 23 de agosto.
O prazo de inscrición remata mañá, día 5 de xullo. Esta iniciativa está dirixida a mozos de entre 8 e 25 anos e o custo de participar é de 200 euros, cun desconto do 30 % para os socios do Club de Xóvenes Gandeiros. O prezo inclúe formación, pensión completa, documentación, material, seguros e gastos de organización.
Para asistir, é necesario enviar o boletín de inscrición co xustificante de ter realizado o ingreso. As familias poden elixir a data que mellor se adapte ás súas preferencias, aínda que estará suxeita a posibles cambios organizativos. Neste sentido, a organización da escola comunicarase coas familias para asegurar o mellor funcionamento do evento, distribuíndo aos participantes segundo as súas idades e coñecementos.
