O Santana Hotel & Spa, en Vila do Conde (Portugal), acollerá mañá sábado 25 de novembro un seminario sobre os novos desafíos e oportunidades en calidade do leite, organizado polo Consello Portugués de Saúde do Ubre (CPSU).
Ás 9:30 horas comezará este evento e, a continuación, celebrarase unha mesa redonda sobre os principais desafíos en calidade do leite en Portugal. Durante a xornada, varios expertos darán charlas sobre a temática do encontro. Os oradores que participarán son os seguintes: Vanessa Fagundes, Ema Roque, João Jacob-Ferreira, Isabel Maia, Carlos Noya, Volker Krömker e Adelaide Pereira.
