O recinto feiral Manuel Vila de Muimenta (Cospeito, Lugo) acolle esta fin de semana a XLI edición da Mostra Exposición de Muimenta (Moexmu).
No marco deste evento, o sábado terá lugar o XXXIX Concurso de Gando Frisón, a partir das 10:00 horas. Pola mañá xulgaranse as seccións de xatas e xovencas e, a partir das 15:30 horas, será a quenda das vacas en lactación.
O xuíz do concurso é Francisco Javier Freije Freije, de Conafe. En total, participan 18 ganderías das provincias galegas de Lugo, A Coruña e Pontevedra, ademais de Gorrello, granxa asturiana situada no municipio de Castropol.
A maiores, ás 12:30 horas, terá lugar a poxa de gando frisón. Poñeranse á venda once lotes procedentes de dez ganderías.
Anteriormente, na xornada do venres, desenvolverase o concurso de Novos Preparadores de Gando (17:00 h), organizado polo Club de Xóvenes Gandeiros de Galicia. A continuación, ás 19:00 h levarase a cabo a inauguración do evento con Ricardo Durán como pregoeiro.
Para o domingo está fixada a celebración do XXIV Concurso de Novos Manexadores, organizado tamén polo Club de Xóvenes Gandeiros de Galicia.
Xa tendes á vosa disposición a edición dixital do libro.
O Concurso de Gando Frisón poderase seguir en directo na nosa web.
