O Boletín Oficial do Estado (BOE) publicou hoxe un real decreto, aprobado recentemente no Consello de Ministros, que compila varias modificacións de normas en vigor e crea algunhas novas ferramentas co fin de mellorar o benestar animal nas granxas e facilitar os controis oficiais que levan a cabo as autoridades competentes. Ademais, o Instituto de Investigación e Tecnoloxía Agroalimentaria de Catalunya (IRTA) será centro nacional de referencia do benestar animal para o ámbito gandeiro e acuícola.
O real decreto modifica varias normas en materia de proteción dos animais nas ganderías, así como de información da cadea alimentaria e sobre o sacrificio de urxencia en explotación. Igualmente, modifícanse as normas mínimas para a protección de porcos, co fin de mellorar as condicións das granxas e o manexo dos animais.
Cabe resaltar que establece novos valores no relativo á densidade máxima de animais nas granxas e novas condicións respecto da súa alimentación, auga, comedeiros e situacións ambientais. Tamén se regula sobre a dispoñibilidade de material manipulable para os animais e esténdese a obriga de dispoñer dun plan de benestar animal a todas as explotacións a partir de certo tamaño. Así mesmo, modifícanse os reais decretos sobre protección de animais nas ganderías.
Esta nova norma forma parte do paquete lexislativo de acompañamiento do Plan Estratéxico para a aplicación en España da PAC e supón un reforzo da normativa de benestar animal.
