Un total de 165 exemplares de vacún frisón de alta xenética procedentes de seis comunidades autónomas concursarán en Silleda (Pontevedra) nos certames que acollerá a IV Feira Profesional de Maquinaria, Agricultura e Gandaría, Abanca Cimag-GandAgro 2023, o sábado 4 de marzo.
O XXXI Concurso Autonómico da Raza Frisoa Fefriga´23 contará cos exemplares máis destacados de Galicia. Nel competirán 109 reses (43 procedentes da provincia de Lugo, 41 da Coruña e 25 de Pontevedra). Así mesmo, celebrarase en simultáneo o XXXVI Open Internacional da Raza Frisoa GandAgro´23 no que, ademais dos 109 exemplares galegos do certame autonómico, concursarán outros 20 de Cantabria, 14 de Asturias, 8 de País Vasco, 13 de Cataluña e 1 de Castela-León.
Ademais, o venres 3 de marzo a feira acollerá o XXXVI Concurso Internacional de Mozos Manejadores "Memorial Luís Louzao" e o XIV Concurso Internacional de Novos Preparadores de Gando GandAgro´23.
