O recinto feiral de Llanera (Asturias) acolle esta fin de semana a 46.ª edición do Concurso-Exposición de Gando Vacún.
Ao longo do día de hoxe comezarán a recibir a todas as reses participantes e xa mañá, venres 13, terán lugar os primeiros xulgamentos. Ás 10 da mañá cualificaranse os machos, as xatas e as xovencas da raza Asturiana de los Valles de tipo normal e de tipo dobre grupa. Ás 16:00 h sairán á pista as vacas secas de Asturiana de los Valles de tipo normal e ás 21:30 h xulgaranse os lotes e as vacas en lactación de Asturiana de los Valles de tipo normal.
As xatas e xovencas da raza frisona serán xulgadas mañá ás 19:30 h .
O sábado pola mañá concursarán as vacas secas e en lactación de Asturiana de los Valles de tipo dobre grupa e as seccións de vacas frisonas comezarán a partir das 21:30 horas.
Ás 18:00 h da tarde do sábado celebrarase a 3.º Poxa de Gando Vacún.
A entrega de premios e o arrastre de bois reservaranse para a mañá do domingo.
