Balazeiro Hammer 2072, da gandería Balazeiro do Sobrado (Vila do Conde), impúxose entre as preto de 70 xatas e xovencas participantes na 40.ª edición do Concurso Nacional de Portugal, que está a ter lugar esta fin de semana no Espazo Agros de Póvoa do Varzim. A decisión foi tomada polo xuíz canadense Brian Masters, que valorará mañá as seccións de vacas a partir das 13:30 h (hora portuguesa).
Previamente, tivo lugar o 6.º Concurso de Novos Manexadores, que deu o pistoletazo de saída aos certames frisóns que se celebran no marco da Agrosemana. Neste certame, o xuíz proclamou como gañadores a José Pedro Marinho (Maria Manuela Pereira Marinho) e a Leonor Marques (Vale de Leandro).
