Unión de Uniones de Agricultores y Ganaderos denuncia como Lactalis, a multinacional francesa e principal industria láctea de España, tanto por facturación como por volume de leite recollido, se mostra impasible ante unha suba de custos de produción que afoga aos produtores de leite, que se ven "imposibilitados de repercutir ese incremento no prezo que lle paga a industria".
A organización, quen xa sinalou a Mercadona pola guerra de prezos do leite, suma ás súas reivindicacións o papel da multinacional francesa (produtora de grandes marcas como Président, Puleva, O Castelo, RAM, Lauki, outros produtos lácteos e produtos de marca branca da distribución) que, cunha cifra de negocios en 2020 de 1.266 millóns de euros, sitúase como a principal industria láctea de España, segundo o estudo do leite líquido do
Comparando con setembro de 2020, no mesmo mes deste ano o prezo medio pago ao gandeiro polo leite, a súa principal fonte de ingresos, incrementouse un 3,95 % (FEGA), mentres que os custos de produción subiron nun 40 %, no caso do gasóleo B ou no da luz, e un 23 % no caso dos pensos (última semana de outubro de 2021 comparada coa de 2020). "Isto só implica unha cousa: o incremento de custos está a asumilos o gandeiro á conta dunha situación económica que xa estaba maltreita, xa que a industria e a distribución se negan a trasladar ese custo ao longo da cadea e están a destruír o valor dun produto básico como o leite", apuntan desde a empresa e engaden que "o sector clama pola súa supervivencia e Lactalis fai oídos xordos, arruinando ás granxas e familias que hai detrás e ameaza a continuidade no abastecemento de leite nacional".
Por último, Unión de Uniones fai un chamamento ao consumidor para realizar un boicot aos produtos da multinacional Lactalis, que coa súa política de prezos "pon en risco a subministración de leite e lácteos ao consumidor a medio e longo prazo".
