Unión de Uniones mantivo hai uns días unha reunión co Secretario de Estado de Medio Ambiente, Hugo Morán, para solicitar que non se impoña máis burocracia ás explotacións, en referencia á lei de residuos e a presentación da memoria anual, e para reclamar un reparto da auga de regadío en épocas de seca que atenda prioritariamente os agricultores profesionais cun criterio social.
Os produtores e as explotacións gandeiras están obrigados a presentar a memoria resumo anual sobre produtos perigosos que contempla a Lei 7/2022 de residuos e solos contaminados antes do 31 de marzo de cada ano, información que xa se mostra por outras vías. Unión de Uniones considera que, pola Lei de Procedemento Administrativo, non cabe reclamar os agricultores e gandeiros unha documentación da que xa dispón a Administración, polo que se pediu ao Secretario de Estado que emita unha nota interpretativa sobre o artigo 65 da Lei de Residuos onde se aclare que os gandeiros non están obrigados a presentar a memoria resumo anual.
A organización tamén esixe que o Miteco introduza un compoñente social nos Plans de Seca responsabilidade das Confederacións Hidrográficas e insistiu na importancia de facer unha correcta xestión da auga. Igualmente demandou transparencia acerca de como se están aplicando as axudas para compensar e previr os ataques do lobo ás ganaderías.
