Por segundo ano consecutivo, esta fin de semana celebrarase unha nova edición do Concurso Nacional da Raza Holstein Frisia de Portugal no Espazo Agros de Póvoa do Varzim (Portugal). Será o sábado 31 de agosto e o domingo 1 de setembro. O xuíz Steve Fraser, de Canadá, valorará os exemplares participantes.
As xatas e xovencas sairán a pista o sábado ás 15:00 horas (16:00 horas en España), mentres que o domingo se desenvolverán as seccións de vacas desde as 13:30 horas (14:30 horas en España).
A maiores, tamén se levará a cabo o Concurso de Novos Manexadores o sábado ás 13:30 horas (14:30 horas en España).
