A nova edición do Concurso de Novos Manexadores deu o pistoletazo de saída aos certames frisóns que se celebran esta fin de semana no marco de Agrosemana, que está tendo lugar no Espazo Agros de Póvoa do Varzim (Portugal).
Neste primeiro concurso, o xuíz Steve Fraser, de Canadá, proclamou gañadores a Juliana Pinho Rebimbas, de Agro Pecuária Rodrigues e Rebimbas, e a Rodrigo Silva Campos, de Soc. Agrícola Agro-Pec. Duarte & Filha, Lda.
A continuación dará comezo a 41.ª edición do Concurso Nacional de Portugal coas seccións de xatas e xovencas. Mañá será a quenda das vacas.
