Rey 1014 Moovin Sony ET, da gandería Rey de Miñotelo (Lugo), impúxose como o mellor exemplar de entre as xatas e xovencas participantes no 41° Concurso Nacional da Raza Frisona de Conafe 2021, que está a ter lugar este fin de semana no recinto feiral Luis Adaro de Xixón. O xuíz catalán Pol Collell foi o que lle deu a palmada da vitoria ao animal.
Esta tarde continúa o xulgamento das seccións de vacas en lactación e grupos que podes seguir en directo a través da nosa páxina web e do noso Facebook. Mañá seguimos coas nosas emisións co 20° Concurso Nacional de Manejadores, ás 10:30 horas, e o Concurso Nacional da Raza Parda, a partir das 13:00 horas.
