Acaba de finalizar o Concurso de Novos Preparadores de Gando, xulgado polo portugués Henrique Moniz. Proclamouse gañadora Lorena Rodríguez Alvite, de Pol; o segundo premio foi para Lorena Iglesia Vila, da Pastoriza, e nos postos terceiro e cuarto foron colocados Xabier Montes Vilar, de Rodeiro, e Mario Noia Varela, de Val do Dubra, respectivamente.
O certame deu o pistoletazo de saída para a celebración da 38.ª edición de Mostra Exposición de Muimenta (Moexmu), que continuará durante todo o fin de semana no recinto feiral Manuel Vila, no Concello de Cospeito.
