A cidade de Vitoria-Gasteiz, capital do País Vasco, acollerá a semana que vén o XXVII Congreso Internacional Anembe de Medicina Bovina de España, que se celebrará os días 28, 29 e 30 de maio. Nesta edición, a Asociación Nacional de Especialistas en Medicina Bovina de España (Anembe) abordará aspectos relacionados co medio ambiente, a sustentabilidade e o benestar; a sanidade animal; a reprodución e xenética; a nutrición e o metabolismo, e as novas tecnoloxías, a intelixencia artificial e os novos modelos de xestión.
Para iso, contarán con máis de trinta expertos nacionais e internacionais que, durante os tres días de congreso, ofrecerán máis de medio cento de conferencias técnicas. En paralelo a estas, e como vén sendo habitual, os asistentes poderán asistir á defensa de varias ducias de comunicacións orais.
