Naturleite fixo entrega na tarde de onte dun lote de 15.000 litros de leite ao Banco de Alimentos de Lugo para que cheguen ás familias máis desfavorecidas nesta crise. É a segunda vez que a empresa realiza unha donación deste tipo, neste caso, un total de 16 palés duns 900 litros cada un.
O equipo de Naturleite considera que “a situación de moitas familias é grave como consecuencia da pandemia que estamos vivindo e queríamos seguir aportando o noso gran de area. O noso xesto pode ser de grande axuda para aqueles que estean atravesando por un mal momento”.
