Rey 1346 Dani Negariel, da granxa SAT Rey de Miñotelo (Lugo), acaba de proclamarse gran campiona de xatas e xovencas no Concurso Nacional da Raza Frisona, que se está a celebrar ao longo do día de hoxe no recinto feiral Luis Adaro de Xixón (Asturias). Así o decidiron os dous xuíces do certame: Santiago García Souto e Javier Freije Freije.
Na categoría de xatas e xovencas de capa roxa, Venturo Rompen Halawi Red, de Casa Venturo (Asturias), alzouse coa vitoria. O certame continuará esta mesma tarde coas seccións de vacas, a partir das 15:00 horas.
