Ascol organiza este sábado 14 de xuño a VI Poxa Ascol no marco da 45ª edición do Concurso Rexional de Asturias da Raza Frisona. A poxa celebrarase ás 13:30 h no Recinto Feiral Luis Adaro de Xixón.
En total, poñeranse á venda oito lotes, dos cales cinco están compostos por dous embrións. Os outros tres correspóndense cunha xatiña de nove meses da Gandería Flora, S.C. (Valdés), un exemplar dun ano da S.A.T. Los Laureles (Villaviciosa) e outra xovenca de vinte meses da Gandería Manolero, S.C. (Tineo).
A poxa levarase a cabo durante a celebración do Concurso Rexional, organizado por Ascol Genetics e Ascolaf. O certame reunirá a preto de 150 animais procedentes de 45 ganderías.
A xornada do sábado comezará co xuízo das seccións de xatiñas e xovencas. Pola tarde, será a quenda das vacas e os grupos. Avaliarase a calidade xenética e morfolóxica dos exemplares e escollerase á mellor vaca da raza frisona de 2025.
O concurso será emitido integramente por Vaca TV e poderá seguirse en directo en vacapinta.com
