O XXIV Campionato Nacional de Manexadores celebrouse ao longo desta mañá no recinto feiral Luis Adaro de Xixón (Asturias). Os xuíces Santiago García Souto e Javier Freije Freije elixiron aos campións de cada categoría.
Na sénior, o galardón foi para Xabi Montes, da gandería Casa do Rei (Pontevedra). Pola súa parte, Andrea Otero, da granxa Fontixón (Lugo), saíu vitoriosa na categoría júnior. Finalmente, na infantil destacaron Noa Díaz, de Casa El Caminero (Asturias); Emma Rodríguez, de Casa Flora (Asturias), e India Entrecanales, de Granja Cudaña (Cantabria).
Coa conclusión desta competición, remata tamén o 45.º Concurso Nacional da Raza Frisona.
