A Asociación Frisona de Zamora (Afriza) organizou este xoves a 27.ª edición do seu Encontro Provincial. Daniel Vicente Rodríguez, presidente da entidade, e Manuel V. Morales, veterinario de Oceva, encargáronse de presentar o evento.
A continuación, o especialista en sanidade animal Seve Fernández ofreceu unha conferencia baixo o título “Pequenos animais, grandes resultados”. Posteriormente, interveu Christian de la Fe, catedrático do Departamento de Sanidade Animal da Facultade de Veterinaria da Universidade de Murcia, quen abordou as enfermidades emerxentes de interese nos rumiantes e repasou a situación da dermatose nodular contaxiosa.
A xornada finalizou cun xantar de confraternización e coa entrega de premios ás mellores granxas e reprodutoras zamoranas en 2025. La Sielma, de Monfarracinos, conseguiu o galardón ao mellor tipo; Alfonso Sastre Tabuyo, de Santibáñez de Tera, obtivo o recoñecemento ao mellor ICO, e SAT Rote (Toro) recibiu o premio á maior produción.
O encontro contou co patrocinio da Cámara Agraria Provincial, da Deputación Provincial e de Caja Rural.
