Acaba de inaugurarse o II Congreso Virtual de MSD Animal Health que terá lugar ao longo de toda esta semana e retransmitirá en directo máis de 45 relatorios de alto valor científico.
O programa científico inclúe, dentro da rama dos animais de produción, relatorios sobre as principais enfermidades que lles afectan e o seu correcto diagnóstico e prevención, a importancia da recría, os últimos avances en reprodución, a vacinación como principal medio para a prevención, anestesia e inmunoloxía, novos modelos de negocio veterinarios e o futuro de produción da carne.
