A semana do 19 ao 23 de novembro desenvolverase esta segunda edición do Congreso Virtual de MSD Animal Health, unha das maiores apostas da compañía polo uso das novas tecnoloxías.
Catro foron os comités científicos implicados na elaboración do programa deste ano, que tomou como pedra angular o medicamento preventivo ligado á innovación. Destaca ademais a creación de Alma, un asistente virtual que dará soporte aos inscritos as 24 horas do día.
Durante esa semana retransmitiranse en directo máis de 45 relatorios de alto valor científico que estarán a cargo de renomeados expertos nacionais e internacionais. Os vídeos estarán dispoñibles para o usuario as 24 horas, durante toda a semana, de maneira aberta e sen custo algún. Ademais das charlas en directo, contarase con outros recursos formativos online, así como coas casetas virtuais de todas as entidades colaboradoras.
