Entrega dos galardóns aos gañadores dos II Premios Exceleite

As 5.000 ganderías inscritas no Rexistro de Explotacións Leiteiras de Calidade Diferenciada (Recaldi) e que, polo tanto, están en disposición de usar o distintivo de calidade Galega 100% optaban a estes galardóns que premian a excelencia hixiénico-sanitaria das explotacións leiteiras de leite cru de vaca. Nun primeiro momento foron seleccionadas 50 finalistas das que despois se escolleron as 20 gañadoras que foron premiadas esta mañá en Vilalba.

O acto estivo presidido polo conselleiro do Medio Rural, José González, e pola conselleira de Medio Ambiente, Territorio e Vivenda, Ángeles Vázquez. Na súa intervención, González fixo fincapé na lixeira mellora dos ingresos dos gandeiros galegos nos primeiros nove meses do ano (un 6 % máis con respecto ao ano pasado), que superaron os 639 millóns de euros en termos globais, e sinalou a calidade do produto como clave para esta mellora: “o traballo e a seriedade dos gandeiros nas explotacións que converteron ao sector lácteo no buque insignia do rural galego (…) non só polo seu volume de produción senón tamén pola calidade da súa materia prima”, afirmou o conselleiro.

Así mesmo, González reiterou a intención da consellería de seguir apoiando o sector e adiantou que para o próximo ano se agarda que este organismo achegue ata 17 millóns de euros en axudas para as campañas de sanidade animal.

LISTADO DE GAÑADORES: