O vindeiro 15 de novembro a ADSG Xundeva celebra a décimo cuarta edición dos seus Encontros Gandeiros. A xornada terá lugar no auditorio da UNED, no polígono industrial Lalín 2000, de Lalín.
As perdas causadas por mamites, o uso racional de antiparasitarios e a prevención serán os tres temas clave. Para abordalos estarán presentes Iván Mato, de Hipra; Alfonso Martínez, de Boehringer; Carlos Carbonell, de MSD Animal Health, e Gloria Martínez, coordinadora dos servicios veterinarios de Xundeva.
