Co obxectivo de potenciar a visibilidade e a formación técnica das mulleres gandeiras, a compañía de saúde animal Zoetis e a Asociación Ganaderas Asturianas asinaron un acordo de colaboración. Fixar a poboación nos núcleos rurais e estimular a substitución xeracional son outros dos puntos crave.
Ademais, o acordo comprenderá cursos de formación técnica e práctica para as asociadas, os cales cubrirán aspectos como a saúde, o benestar animal, a alimentación e o manexo en granxa.
O convenio foi asinado por Félix Hernández (director xeral de Zoetis España) e Lucía Velasco (presidenta da Asociación Gandeiras Asturianas). Ambas as dúas partes manifestaron o seu interese por seguir traballando para “dar a coñecer á sociedade o papel das gandeiras, que se desenvolveu durante moitos anos na sombra”.
