A segunda xornada sobre vacún leiteiro que Bayer está a celebrar esta semana na Coruña comezou á primeira hora da mañá co relatorio do doutor Ignacio Ipharraguerre sobre estrés e permeabilidade intestinal. Seguírono o doutor Christian Scherpenzeel, que falou de experiencias co secado selectivo en Países Baixos, e o doutor Jesús Redondo, co seu relatorio “B-MAST: O que nos contan as células”.
Xa pola tarde, as actividades trasladáronse ao centro de recría Ganxabar, onde tivo lugar un taller sobre benestar animal en xatos a cargo da doutora Eva Mainau.
